"തൃപ്തിയായില്ലേ നിങ്ങള്‍ക്ക്!?ആകെയുണ്ടായിരുന്ന ഒന്ന് ഇതാ പാമ്പു കടികൊണ്ട് കിടക്കുന്നു.നിങ്ങളു സ്നേഹിച്ച പ്രകൃതിയെന്താ തിരിച്ച് ഈ ചതി ചെയ്തത്!?"അവര്‍ ചീറുകയാണ്.
മറുപടി പറയുവാനാഞ്ഞാല്‍ ഏറെയുണ്ട്.പക്ഷേ എന്തിന്???ഈ കാടും കാവുമൊക്കെ പറഞ്ഞു തന്നെയാണ് അവരും അടുത്തു വന്നത്.എന്നിട്ടിപ്പോള്‍ ഏറ്റവും വലിയ വേദനയുടെ ഈ വേളയില്‍ തീക്കനല്‍ കോരി നിറയ്ക്കുന്നു.
സാരമില്ല എന്നു വെക്കാം!അറിഞ്ഞുകൊണ്ടെന്നപോലെ എടുത്ത തീരുമാനത്തിലാണ് അവരും കൂടെ കൂടിയത്.മിക്കവരും,മിക്ക സ്ഥലങ്ങളിലും ഇങ്ങിനെയാണ്.കാട്,മേട്,മനുഷത്വമെന്നൊക്കെ പറഞ്ഞ് തുടങ്ങി ഒന്നിച്ചു യാത്ര തുടങ്ങും.ചിന്തിച്ചുറപ്പിച്ചാലെന്നപോലെ പുറംമോടികളുടെ ഒരു മത്സരത്തിലേയ്ക്ക് എങ്ങിനെയെങ്കിലും ജീവിതത്തെ എത്തിക്കും.എല്ലാ പ്രസ്ഥാനങ്ങളിലും ആശയങ്ങളിലും ജീവിതങ്ങളിലും ഇങ്ങനെ ചിലരെത്തും.പ്രലോഭിപ്പിച്ചും പ്രകോപിപ്പിച്ചും വൈരുധ്യങ്ങളെ പുല്‍കാന്‍ നിര്‍ബന്ധിക്കുന്നവര്‍..അതിലെ രസമെന്തെന്ന് അറിയില്ല.ഇതിനെ നേരിടാന്‍ പ്രതാപം കാണിക്കാനും അടക്കി ഭരിക്കാനും പഠിക്കണം.അതു എല്ലാവരുടേയും ചായക്കോപ്പയല്ലല്ലോ!
സ്വന്തമായുണ്ടെന്നു പറയപ്പെടുന്ന മണ്ണില്‍ കുറച്ചു ഭാഗം കാടു വളര്‍ത്തി.അതു ദൈവസങ്കല്‍പ്പങ്ങളോടെ അല്ല.കഴിക്കുന്ന ശ്വാസത്തിന് വില കൊടുക്കുംപോലെ ഒരു കൊടുക്കല്‍ വാങ്ങല്‍ പ്രക്രിയ മാത്രം.മകനെയും കാടിനെ സ്നേഹിക്കാന്‍ പഠിപ്പിച്ചു.പാമ്പിന്‍ വിഷം അവന്റെ സിരകളെ തീണ്ടുംവരെ അവന്റെ അമ്മയും കാടിനെ സ്നേഹിച്ചിരുന്നു എന്നാണ് കരുതിയിരുന്നത്.മനുഷ്യര്‍ പലവിധമാണല്ലോ!ആകസ്മികതയുടെ ചരിത്രം അന്വേഷിക്കുന്നത് എങ്ങിനെ എന്നും അതിന് ഉത്തരവാദികളെ ആരോപിക്കുന്നതെങ്ങിനെയെന്നും അറിയില്ല.വിഷം എല്ലാ തലകളിലും തീണ്ടിയോ!?നുരയുന്നുണ്ട്
No comments:
Post a Comment