ലോഹനാണയങ്ങളുടെ കാലത്ത് പണം റിയലായും വിലയുള്ളതായിരുന്നു.
നാണയമായി രൂപാന്തരപ്പെടുത്തിയ ലോഹം തല്ലിപ്പരത്തി വിറ്റാല്‍ നാണയത്തോളം മൂല്യം ഉണ്ട് എന്ന് മറ്റു വാക്കുകളില്‍.
കാര്‍ഷികവൃത്തി വ്യാപാരങ്ങള്‍ക്കും വ്യവസായങ്ങള്‍ക്കും വഴിമാറിയപ്പോള്‍ കൈമാറ്റം ചെയ്യപ്പെടേണ്ട പണത്തിന്റെ അളവും കൈമാറ്റങ്ങളുടെ തോതും ക്രമാതീതമായി വര്‍ദ്ധിച്ചു.അങ്ങിനെയാണ് പേപ്പര്‍ മണി രംഗത്തെത്തുന്നത്.
നൂറുരൂപയുടെ ഒരു നോട്ടില്‍ റിസര്‍വ് ബാങ്ക് ഗവര്‍ണ്ണറുടെ സത്യപ്രസ്താവന കാണാം.ഈ നോട്ടിന്റെ അവകാശിക്ക് കൈമാറ്റത്തില്‍ നൂറു രൂപയുടെ മൂല്യം വാഗ്ദാനം ചെയ്യുന്നു എന്ന്..
ഈ വാഗ്ദാനം കൊണ്ടു മാത്രം പേപ്പര്‍ മണിക്ക് മൂല്യം ഉണ്ടാവുമോ?ഇല്ല എന്നാണ് എന്റെ പരിമിതമായ അറിവ്.
അക്കൗണ്ടില്‍ പണമില്ലാത്ത ഒരാള്‍ കൊടുക്കുന്ന ചെക്ക് വണ്ടിച്ചെക്കാകുന്നതു പോലെ തന്നെ അടിച്ചിറക്കുന്ന പേപ്പര്‍ കറന്‍സിയുടെ മൂല്യത്തിന് ആനുപാതികമായ റിസര്‍വ് ഇല്ലാത്ത സാമ്പത്തികസിസ്റ്റവും നിലനില്‍പ്പില്ലാത്തതാണ്(unstable).
രാജ്യത്ത് വലിയ ദുരന്തങ്ങള്‍ വരുന്നതിനു മുന്‍പേ (മതത്തിന്റേയും പാരമ്പര്യത്തിന്റെയും പേരിലുള്ള ചില ഗിമിക്കുകളും ഓണ്‍ലൈന്‍ അബദ്ധപ്രചരണങ്ങളും കുതിരക്കച്ചവടവും
മനുഷ്യത്വം തൊട്ടുതീണ്ടിയിട്ടില്ലാത്ത ചിലരെ അതിമാനുഷരാക്കി ചിത്രീകരിക്കലും വഴി ഭരണം കൈയടക്കല്‍ എന്ന ദുരന്തം മാത്രം സംഭവിച്ചിരുന്നു)ഈ റിസര്‍വില്‍ കുറേയേറെ പണയത്തിലായി എന്ന അവ്യക്തമായ അറിവുണ്ട്.
പ്രാണഭയം ഇടക്കിടെ ഉണ്ടാവാറുള്ളതുകൊണ്ട് ഈ ആശങ്കകള്‍ കുറേക്കാലം മനസ്സില്‍ മാത്രം ഒതുങ്ങി.കള്ളം ചോദ്യം ചെയ്താല്‍ കൊല്ലാന്‍ മടിയില്ലാത്തവനെന്ന് തെളിയിച്ച ആളുകളെ ഭയക്കാതിരിക്കാന്‍ മാര്‍ഗ്ഗമില്ലല്ലോ!
ചവിട്ടിനില്‍ക്കാനെങ്കിലും മണ്ണുള്ളവര്‍ സമൂലം ഭക്ഷിക്കാന്‍ കൊള്ളാവുന്നതെന്തെങ്കിലും കുഴിച്ചു വെക്കാന്‍ ശ്രമിച്ചോളൂ.ദിനംപ്രതി ആവശ്യത്തിന് വെള്ളമൊഴിച്ചോളൂ.പ്രയോജനപ്പെടും.
നിങ്ങളുടെ സൂപ്പര്‍ഹീറോകളും അക്കൗണ്ടില്‍ ആറായിരം ഇട്ടുതരുന്ന ദൈവങ്ങളും കണ്ണും ചെവിയും പൂട്ടുന്ന ഒരു കാലം വന്നേക്കാം.ഹോപ് ഫോര്‍ ദ ബെസ്റ്റ്.പ്ളാന്‍ ഫോര്‍ ദ വഴ്സ്റ്റ്.
https://www.nationalheraldindia.com/amp/story/national%2Frti-reply-raises-doubts-on-the-fate-of-200-tonnes-of-rbis-gold-under-the-modi-govt
No comments:
Post a Comment