പ്രവാസികളായി ജീവിച്ചവര്‍ക്കും ജീവിക്കുന്നവര്‍ക്കും അറിയാവുന്ന ചില കാര്യങ്ങള്‍ ആദ്യമേ പറയട്ടെ.മിക്ക യൂറോപ്യന്‍ രാജ്യങ്ങളിലും മിഡില്‍ ഈസ്റ്റിലും ഒരേ ഡെസിഗ്നേഷനിലുള്ള തദ്ദേശീയര്‍ക്കും പ്രവാസികള്‍ക്കും രണ്ട് രീതിയിലാണ് ശമ്പളം കൊടുക്കാറ്.
ഉദാഹരണത്തിന് എന്റെ uae യെലെ ശമ്പളം 2000 ദിര്‍ഹമാണെങ്കില്‍ അതേ പോസ്റ്റില്‍ കൂടെയുള്ള എമറാത്തിയ്ക്ക് ശമ്പളം ആറായിരമാണ്.
മാത്രമല്ല,എമറാത്തിയ്ക്കും കുടുംബത്തിനും പോക്കറ്റ് മണിയും ട്രാഫിക് വയലേഷനുകളിലെ പിഴ ഇളവും സ്ഥാപനങ്ങളുടെ ലോക്കല്‍ ഗാര്‍ഡിയന്‍ എന്നൊരു ഡമ്മി പോസ്റ്റില്‍ പണം സമ്പാദിക്കാനുള്ള മാര്‍ഗ്ഗവും അവിടുത്തെ ഗവണ്‍മെന്റ് ഒരുക്കുന്നുണ്ട്.തദ്ദേശീയനും എനിയ്ക്കും ഒരു ചായ കുടിക്കണമെങ്കില്‍ കൊടുക്കേണ്ടുന്ന തുക ഒന്നു തന്നെയുമാണ്.സ്വന്തം നാട്ടിലെ എക്സ്ചേഞ്ച് നിരക്കിലെ വ്യത്യാസമെന്ന പീനട്ടുകൊണ്ട് പ്രവാസി എന്ന അതിഥി തൃപ്തിപ്പെടണം എന്നു സാരം.
നമ്മുടെ കൊച്ചുകേരളത്തിലെ കാര്യമെടുത്താലോ?ഇന്ന് ഭൂരിഭാഗം അതിഥി തൊഴിലാളികള്‍ക്കും അതേ തൊഴിലെടുക്കുന്ന മലയാളിയുടെ പ്രതിഫലം ലഭിക്കുന്നില്ലേ?
ഉണ്ടെങ്കില്‍ പിന്നെ എന്തിനാണ് അവര്‍ക്ക് പ്രത്യേക പരിഗണന?ഒരേ രീതിയില്‍ സമ്പാദിക്കുന്നവര്‍ക്ക് ഒരേ ആനുകൂല്യങ്ങള്‍ കൊടുക്കുക എന്നതല്ലേ സാമൂഹ്യനീതി?
അതോ ജാതി അടിസ്ഥാനത്തിലുള്ള സര്‍ക്കാര്‍ ജോലി സംവരണം,റേഷനിങ്ങ് വ്യവസ്ഥ ഒക്കെപ്പോലെ അതിഥിസ്നേഹവും ഒരു അനീതിയില്‍ അടിസ്ഥിതമായ സംഗതിയാണോ?
ചിന്തിക്കണം.
അര്‍ഹിക്കുന്നവന് അര്‍ഹിക്കുന്നതു കൊടുക്കലാണ് നീതി!
No comments:
Post a Comment