വിരേചനം അഥവാ വിസര്‍ജ്ജനത്തിന് എന്തുമാത്രം പ്രസക്തി ഉണ്ടെന്നറിയാമോ?
ഒരു ദിവസം എന്തെങ്കിലും കാരണം കൊണ്ട് ടോയ്ലെറ്റില്‍ പോവാതെ ഇരുന്നു നോക്കിയാലറിയാം വിരേചനമില്ലാതാവുന്ന വിഷമം.ഭക്ഷണം കഴിക്കലിനേക്കാള്‍ ഒട്ടും താഴെയല്ലാത്ത പ്രാധാന്യം വിരേചനത്തിനുമുണ്ട്.
വൈകാരികമായ വിരേചനമോ?അതും വൈകാരികമായ ഇന്‍ടേക്കുകള്‍ പോലെ തന്നെ പ്രധാനമത്രെ.
സന്തുഷ്ടജീവിതം നയിക്കുന്നു എന്ന് അവകാശപ്പെടുന്ന പല സ്ത്രീപുരുഷന്‍മാരും മതപരമായ മാസ് ഹിപ്നോട്ടിസം നടക്കുന്ന ധ്യാനങ്ങള്‍,പൂജകള്‍ എന്നിവയുടെ സമയത്ത് അമിതമായ വികാരപ്രകടനങ്ങള്‍ നടത്താറില്ലേ?!!
പക്ഷിശാസ്ത്രക്കാരന്‍ പോലും 'താങ്കളുടെ മുഖത്ത് വല്ലാത്ത ദുഃഖം അനുഭവിക്കുന്ന ലക്ഷണങ്ങള്‍ ഉണ്ട്'എന്നു പറഞ്ഞാല്‍ നമ്മള്‍ വീണുപോവാറുമുണ്ട്.അന്ധവിശ്വാസങ്ങള്‍ ആചരിച്ചില്ലെങ്കില്‍ ശാപം വരുമെന്ന ഇന്റിമിഡേഷനില്‍ വീണു പോവാത്തവര്‍ ആരും തന്നെ കാണില്ലത്രെ.
ഈ വൈകാരിക വള്‍നറബിലിറ്റിയ്ക്ക് കാരണം എന്തെന്ന് സ്വയം ചോദിച്ചപ്പോള്‍ കിട്ടിയ ഉത്തരം വിരേചനത്തിന്റെ കുറവ് എന്നതു മാത്രമാണ്.
മനുഷ്യന്‍ ഒരു ജൈവപ്രപഞ്ചമാണ്.പ്രപഞ്ചത്തിന് ആകര്‍ഷണം എന്ന പ്രോപേര്‍ട്ടിയോളം ശക്തമായി വികര്‍ഷണവും ഉണ്ട്.
ഏതു മനുഷ്യനും തന്റെ സാമൂഹിക ഇടപെടലുകളില്‍ അസംതൃപ്തിയുടേതായ ധാരാളം എലമെന്റ്സ് ഉണ്ട്.ജീവിതത്തിലെ പല രംഗങ്ങളിലും കരുത്തു കൂടിയവയുടെ ചൂഷണത്തിന് നാം ഇരയാകുന്നു.ചൂഷണത്തിന്റെ അടുത്ത ഘട്ടമായ വായടപ്പിക്കല്‍/ചോദ്യം ചെയ്യലുകള്‍ക്ക് തടയിടല്‍ എന്നിവ സ്വഭാവികമായും ഒരു കുന്ന് അമര്‍ഷത്തെയും നൈരാശ്യത്തേയും നമ്മുടെ ബോധമണ്ഡലത്തില്‍ നിറയ്ക്കും.ഈ അമര്‍ഷത്തെ പലരും പല രീതിയിലാണ് വിസര്‍ജ്ജിക്കാന്‍ ശ്രമിക്കാറ്.ക്രിയേറ്റിവിറ്റി പലപ്പോഴും നെഗറ്റീവ് എനര്‍ജി ചിലവഴിക്കാനുള്ള മാര്‍ഗ്ഗമല്ലേ?
നേരത്തെ പറഞ്ഞ ഉദാഹരണത്തിലെ സംതൃപ്തി അഭിനയിക്കുന്ന ആളുകളുടെ മനസ്സിലെ അടിച്ചമര്‍ത്തപ്പെട്ട അമര്‍ഷവും വികാരങ്ങളുമാണ് സാഹചര്യം വരുമ്പോള്‍ അപസ്മാരലക്ഷണങ്ങളോടെ പുറത്തു വരാറ്.
വൈകാരിക വിരേചനം ഉറപ്പു വരുത്താന്‍ എന്തു ചെയ്യുന്നു എന്നു ചോദിച്ചാല്‍ എന്റെ ഉത്തരം കൃത്യമായ പ്രതികരണങ്ങള്‍ ഉറപ്പുവരുത്തുക എന്നതാവും.മറ്റുള്ളവര്‍ എന്തു വിചാരിക്കുമെന്നു കരുതി നെഗറ്റിവിറ്റിയെ മനസ്സില്‍ സൂക്ഷിച്ചിരുന്ന കാലം എന്നെക്കൊണ്ട് രണ്ടു മാസത്തോളം വിഷാദരോഗത്തിനുള്ള മരുന്നു കഴിപ്പിച്ചു.ലോകത്തിന്റെ പാപങ്ങള്‍ക്കുവേണ്ടി കുരിശില്‍ മരിക്കാന്‍ ഞാന്‍ ദൈവപുത്രനല്ലാത്തതിനാല്‍ ഇപ്പോള്‍ കൃത്യമായി പ്രതികരിച്ച് വൈകാരികമായ വിരേചനം സാധ്യമാക്കുന്നു.
ഇത് എന്റെ മാതൃക പിന്‍തുടരാനുള്ള ആഹ്വാനമല്ല.എന്തുകൊണ്ട് ഇങ്ങനെ പ്രതികരണങ്ങളില്‍ നിഷ്കര്‍ഷ വെയ്ക്കുന്നു എന്നതിന്റെ കാരണമാണ്.
ചൂഷണത്തോട് പ്രതികരിക്കാതെ രോഗിയായി മാറുന്ന ഞാന്‍ ഇന്നുള്ള ജനങ്ങളെ കയ്യിലെടുക്കാനറിയാത്ത എന്നേക്കാള്‍ ബോറനാണ്.സത്യം.പരീക്ഷിച്ചറിഞ്ഞ കാര്യമാണ്
No comments:
Post a Comment