ബ്രഹ്മാണ്ഡമാന കതൈയാണ്!!
തുടക്കം കേള്‍ക്കുമ്പോള്‍ ചിലപ്പോള്‍ പരമ്പരാഗത സംഭവമാണെന്നൊക്കെ തോന്നിപ്പോയേക്കാം.ക്ഷമി..
തിരൈപ്പടത്തില്‍ വേഷം തെണ്‍ട്രി കോടമ്പക്കത്തെത്തി പോക്കറ്റടിക്കപ്പെട്ട ഒരു കോടി ആളുകളില്‍ ഒരാളായിരിക്കും നമ്മുടെ കഥാനായകന!!
എന്തായാലും പട്ടിണിക്കും പരിവട്ടത്തിനും കൊഞ്ചം കൊഞ്ചം തെരിയുന്ന ഭാഷയിലുള്ള അധിക്ഷേപങ്ങള്‍ക്കും ഒരു കുറവുമില്ലെന്നു ധരിച്ചു കൊള്‍ക.
ഗ്യാസു കയറുന്ന വയറ് എത്രമാത്രം വലിയ മോട്ടിവേഷനാണെന്ന് പറഞ്ഞാല്‍ രസികര്‍ക്ക് രസിക്കുമോന്നറിയില്ല.
ന്നാലും..
വെറും വയറ്റില്‍ ചെയ്യാവുന്ന ചില കൂലിവേലകള്‍ പാത്ത് സ്വരുക്കൂട്ടിയ ദുട്ടുകൊണ്ട് ഗസറ്റില്‍ പരസ്യം ചെയ്ത് കഥാനായകന്‍
പേര് അവറാച്ചനില്‍ നിന്നും 'വണക്കം' എന്നാക്കി മാറ്റി അതിന്റെ സര്‍ട്ടിപ്പിക്കേറ്റും വാങ്ങി.
ഇപ്പോ തോന്നുന്നുണ്ടാവും വെറും വയറ്റിലെ ഗ്യാസ് തലയിലും കയറിപ്പോയതാവുമെന്ന്,അല്ലേ?
പാപ്പോം..
അടുത്ത നടപടി അഥവാ നടന്നു പോയി ചെന്നു നിന്ന പടി സ്ഥലത്തെ പുണ്യപുരാതന ലോവര്‍ പ്രൈമറി സ്കൂളിന്റേതാണ്.
തമിള്‍ പഠിക്കാനാവുമോ?!!
അതും പാപ്പോം..
"പാപ്പാ,ഉന്‍ പേര് എന്നതാടാ ഉവ്വേ?"
"മാരിമുത്തു..അണ്ണേ..ഉന്‍ പേര്"
"പേര് സൊല്ലാടാ..അതുക്ക് മുന്നേ ഒരു വെളയാട്ട് വെളയാടലാടാ.."
"വിളയാട്ടാ..എന്ത വിളയാട്ടണ്ണേ?"
"ഇത് വന്ത് പുത്തന്‍ പുതു വെളയാട്..സൊല്ലട്ടേ!?"
"ആമാണ്ണേ..ചീഘ്രം ചൊല്ല്ങ്കേ.."
"ചൊല്ലട്ടടേടാ??"
"ആമ ആമ.."മാരിമുത്തു ആകാംക്ഷ കൊണ്ട് ബൗന്‍സ് ചെയ്തു തുടങ്ങി.
"സിമ്പിളാടാ..നീ കൊഞ്ചം തള്ളി നിക്കണം..ഞാന്‍ ഉന്നെ ഇപ്പടി (വലതു കരം മെല്ലെ ഉയര്‍ത്തി)സിഗ്നല് പോടും..അപ്പോ നീയെന്റെ പേര് ഒറക്കെ ചൊല്ലണം..അപ്പോ ഞാന്നിനക്ക് ഒരു നെല്ലിക്കായ് ഇട്ടു തരും.."
"ഹായ്..നെല്ലിക്കാവാ..വിളയാട്ട് റൊമ്പ ഈസിയായിരുക്ക്.സ്റ്റാര്‍ട്ട് പണ്ണലാമേ?!"ലവന്‍ ആവേശക്കൊടുമുടിയിലാണ്.
പറയാമ്മറന്നു..പൊതു'ശശ്മാന'ത്തിലടുത്തുള്ള നോമാന്‍സ് ലാന്റിലെ നെല്ലിയില്‍ കല്ലെറിഞ്ഞ് പത്തിരുപത് നെല്ലി മണികള്‍ വീഴ്ത്തി സൂക്ഷിച്ചിരുന്നു.
"പേരെ കൊഞ്ചം ചൊല്ലുങ്കണ്ണെ!"
"എന്റെ പേര് വന്ത് വണക്കം!!"
"വെറൈറ്റിയായിരിക്ക്..വെളയാട്ട്??"
"ആടാ..സ്റ്റാര്‍ട്ട് പണ്ണിക്കോ!!"
വീളയാട്ട് തുടങ്ങി!!
വിളയാട്ടു വീരന്‍മാര്‍ എതിര്‍ചേരിയില്‍ ഒരുപാടു വന്നു!!
സീസണല്‍ ആയി നെല്ലിക്ക ചാമ്പക്കയ്ക്കും ളൂബിക്കായ്ക്കുമൊക്കെ വഴിമാറി!!
എന്തായാലും വലതു കൈ ഒന്നു പൊക്കിയാല്‍ നൂറു നൂറു കണ്ഡങ്ങള്‍ ആവേശത്തോടെ മ്മടെ കഥാനായകന്റെ ഗസറ്റ് പേരായ "വണക്കം അണ്ണേ്ണ്ണേണ്ണേ..!"എന്ന് അലറി വിളിക്കുന്ന ഒരു പരിതസ്ഥിതി സംജാതമായി!!
പോകെപ്പോകെ കായൊന്നും കൊടുക്കാതെ തന്നെ 'വണക്കം അണ്ണേ' വിളികള്‍ തപാലിലും നേരിട്ടും എത്തിത്തുടങ്ങി!!
ഞങ്ങള്‍ 'വണക്കം അണ്ണൈ മുന്നേറ്റ കഴകം' രൂപീകരിച്ചു!!
ജാഥയ്ക്കും സിനിമയ്ക്കും ബിരിയാണി വാങ്ങി ചെമ്പാണി..സോറി..ആളെ കൊടുക്കുന്ന കലാപരിപാടിയില്‍ തുടങ്ങി വട്ടിപ്പലിശ + കൊട്ടേഷന്‍ കൊമ്പോ ഓഫറിലെത്തിയ വളര്‍ച്ച പെട്ടെന്നായിരുന്നു..
കഥാനായകന്‍ ചുമ്മാ അങ്ങ് നിന്ന് ഒരു ഇരവില്‍ M.P.ആയി!!!
തിരൈപ്പടങ്ങള്‍ സൃഷ്ടിക്കുന്ന കടവുളായി!!
സൃഷ്ടികളില്‍ ഒരു രംഗബോധവുമില്ലാത്ത കോമാളിയേപ്പോലെ കടന്നു വരാനുള്ള പെഷ്യല് അധികാരം വരെ കരസ്ഥമാക്കി!!!
അങ്ങിനെയങ്ങനെയങ്ങനെ...
നന്‍ട്രി
No comments:
Post a Comment