അവളും ഞാനും

അവള്‍ കാറ്റ്..

വിത്തുകളെല്ലാം മണ്ണിലെത്തിച്ച്;

ശ്വാസമായി ജീവനില്‍ നിറഞ്ഞ്;

ഉലയിലൊരുപാടു തങ്കം ഊതിയുരുക്കി;

മുറിവിലൊക്കെ തണുവായ് നിറഞ്ഞ്;

പതിരെല്ലാം പാറ്റിയെറിഞ്ഞ്;

ധാര്‍ഷ്ട്യമൊക്കെ തട്ടിയുടച്ച്;

മുടിയിഴകള്‍ തഴുകിത്തലോടി;

എനിക്കേറ്റവും പ്രിയപ്പെട്ട...കാറ്റ്!

ഞാന്‍ കടല്‍..

ഭയമറിയാത്തവളെ നെഞ്ചിലിട്ട് താരാട്ടുന്ന;

മുത്തും പവിഴവും എവിടെയെന്നറിയാത്ത;

ഒരുപാടു യാത്രകളുടെ കഥ പേറുന്ന;

അവളുടെ കടല്‍❤️